"20 տարբեր երկիրներէ բարձր որակաւորում ունեցող եւս 50 սփիւռքահայ մասնագէտներ «ԻԳործ» ծրագիրին միջոցով կը միանան Հայաստանի կառավարութեան: «ԻԳործ» ծրագիրը մեկնարկեց 2020-ին Սփիւռքի հարցերով գլխաւոր յանձնակատարի գրասենեակի գործունէութեան ծիրէն ներս: Անոր նպատակն է սփիւռքահայ մասնագէտներ ներառել Հայաստանի կառավարութեան մէջ՝ իրենց հայրենիքին հետ կապը ամրապնդելու համար: Առաջին երկու տարուան մէջ ծրագիրը ունեցած է 102 մասնակից: Նշենք, որ մասնակիցները կը ստանան երթուդարձի ուղեւորատոմս, 330.000 դրամ ամսավարձ՝ մէկ տարուան ապրուստի ծախսերը հոգալու համար, բժշկական ապահովագրութիւն եւ մէկ տարուան կեցութեան թոյլտուութիւն: Այս բոլորը կը տրամադրէ ՀՀ-ն: Յաւելեալ հետաքրքրութեան համար դուք կրնաք ուղղակի գրել diasporafellowships@gov.am ելեկտրոնային հասցէին կամ զանգահարել +374 10 515 514, +374 43 031 077 (Ուաթսափ, Վայպըր, Թելեկրամ) հեռախօսահամարներուն: "
https://en.armradio.am/2021/09/03/50-diaspora-professionals-join-the-armenian-government/ http://diaspora.gov.am/en/programs/25/fellowship#b1618
