«Կատարեալ փոթորիկ»-ը գնաճ կը պատճառէ եւրոպական կազի շուկային մէջ

A-“Perfect-Storm”-Is-Driving-Up-Prices-On-The-European-Gas-Market

Եւրոպական կազի շուկային մէջ մի քանի ամիս տեւած ահռելի լարուածութենէն ետք իրավիճակը կը շարունակէ վատթարանալ աշնանամուտին: Կազի գիները կ'արձանագրեն մրցանշային աճ՝ նախանշելով լուրջ դժուարութիւնները յառաջիկայ մի քանի ամիսներուն: Ներկայ իրավիճակը արդէն իսկ նկարագրուած է որպէս «կատարեալ փոթորիկ» զանազան փորձագէտներու կողմէ, որոնք կը մատնանշեն այս ճգնաժամին տասը պատճառները:

Պաշարները սովորաբար կը համալրուէին ամրան: Սակայն ի յայտ եկաւ, որ այս տարի անկարելի է այդ, քանի կազի չափազանց մեծ պահանջարկ կայ ամբողջ աշխարհին մէջ, ինչը կը սրէ Եւրոպայի եւ այլ տարածաշրջաններու միջեւ մրցակցութիւնը: Այս տարի տնտեսական վերականգնումը հաստատուն քայլերով կ'ընթանայ Ասիոյ մէջ, ուր երկիրները յաջողած են սանձել համաճարակի յառաջխաղացումը: Սա կազի հսկայական պահանջարկ կը յառաջացնէ: Ասիան եւ Եւրոպան իրարու հետ կը մրցին հեղուկացուած բնական կազ գնելու ընթացիկ շուկայէն: Հեղուկացուած բնական կազի ընթացիկ գիները մօտաւորապէս 21 տոլար/բրիտանական ջերմային միաւոր է Ասիոյ մէջ, եւ 20 տոլար/բրիտանական ջերմային միաւոր՝ Եւրոպայի մէջ: Իր հերթին, Հիւսիսային Ամերիկան նոյնպէս կտրուկ աւելցուցած է կազի սպառումը ուժանիւթի արտադրութեան համար:

Միաժամանակ գրեթէ ամէնուր (եւ յատկապէս Ասիոյ մէջ) հեղուկացուած բնական կազի ներմուծումը կառավարող կայաններ կը սկսին շահագործման յանձնուիլ: Սա ցոյց կու տայ, որ պահանջարկը կը վերադառնայ նախահամաճարակային մակարդակին: Մի քանի երկիրներու մէջ այդ մակարդակները նոյնիսկ գերազանցուած են: Վերջապէս, վերավաճառորդները նոյնպէս դեր խաղացած են կազագինի բարձրացումին մէջ: Սակայն ժամանակաւոր երեւոյթ է այս, որ պիտի փոխուի յառաջիկայ մի քանի շաբաթներուն:

Ամբողջական նիւթը կարդալ «Սիվիլնեթ»-ի կայքէջին մէջ՝

https://www.civilnet.am/news/633440/a-perfect-storm-is-driving-up-prices-on-the-european-gas-market-petrostrategies/?lang=en

ԿԻՍՎԵԼ

Թողնել մեկնաբանություն

Ձեր էլ․փոստի հասցեն չի հրապարակվի։ Պարտադիր դաշտերը նշված են *

Պատասխանել

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով