Հայաստանի Հանրապետութեան պաշտպանութեան նախարարութիւնն ու Հնդկաստանի դեսպանը քննարկեցին ռազմատեխնիկական համագործակցութիւնը

Հայաստանի պաշտպանութեան նախարար Վաղարշակ Յարութիւնեան այսօր ընդունեց Հայաստանի մէջ գտնուող Հնդկաստանի արտակարգ եւ լիազոր դեսպան Քիշան Տան Տեվալին, յայտնեց Հայաստանի Հանրապետութեան պաշտպանութեան նախարարութիւնը: Հանդիպման ընթացքին զրուցակիցները քննարկեցին պաշտպանութեան ոլորտին մէջ Հայաստանի եւ Հնդկաստանի միջեւ համագործակցութեան ներկայ վիճակը եւ յառաջիկայ ծրագիրները, յատուկ ուշադրութեան դարձուցին ռազմատեխնիկական համագործակցութեան զարգացման հեռանկարներուն եւ պայմանաւորուածութիւն ձեռք բերել մասնագետներու խումբերու փոխ-այցելութիւններուն, յառաջիկային համագործակցութիւնը աւելի գործնական դարձնելու համար: Զրուցակիցները քննարկեցին տարածաշրջանային անվտանգութեան խնդիրները, մասնաւորապէս Արցախի դէմ կատարուած ռազմական գործողութիւնները, այդ գործողութիւններէն ետք ստեղծուած իրավիճակը, ինչպէս նաեւ տարածաշրջանային անվտանգութեան մարտահրաւերները:

Source: https://news.am/eng/news/640949.html