Հայաստան մտադիր է համացանցի մալուխ կառուցել Սեւ ծովու յատակով

Armenia-Wants-To-Build-New-Internet-Cable-Under-The-Sea

Հայաստան մտադիր է համացանցի նոր մալուխ կառուցել Վրաստանէն ծովու յատակով: Այս մասին կը յայտնէ բարձր արհեստագիտութիւններու արդիւնաբերութեան նախարար Վահագն Խաչատուրեան:

Այս որոշումին հիմք հանդիսացած է երկրի տեղեկատուական անվտանգութիւնը՝ նկատի ունենալով, որ Պուլկարիայէն Վրաստան մալուխը սպասարկող «Caucasus Online»-ի բաժնետոմսերուն 51 տոկոսը վաճառուած է «Nexol Holding» ազրպէյճանական ընկերութեան:

«Պատերազմին մենք որոշ խնդիրներ ունէինք: Մենք գիտենք սա, եւ արդէն հետաքրքրութիւն ցուցաբերած ենք նոր մալուխ կառուցելու Սեւ ծովու յատակով դէպի Վրաստան եւ Հայաստան»:

Նոր մալուխին հետ ոչ մէկ առնչութիւն պիտի ունենայ Ազրպէյճան: Հաղորդալարը պիտի կառավարէ անկախ ընկերութիւն մը, ամենայն հաւանականութեամբ՝ հայկական: Խաչատուրեան մասնաւորաբար շեշտած է Վրաստանի դերը այս ծրագիրին մէջ՝ նշելով. «[Վրաստանի հետ] բանակցութիւններ առայժմ չեն ընթանար, բայց կարելի է բանակցիլ եւ համատեղ իրականացնել մալուխի կառուցումը»:

Ինչ կը վերաբերի ծրագիրին նիւթական բաժնին, ըստ նախարարին՝ կառավարութիւնը կրնայ դիմել նոյնիսկ սեփական միջոցներուն՝ յանուն տեղեկատուական անվտանգութեան ապահովման:

Չի բացառուիր, որ կառավարութիւնը այս նպատակին օգտագործէ ԵՄ-ի՝ յառաջիկայ հինգ տարիներուն համար յատկացնելիք 2,6 միլիառ եուրօ օգնութիւնը:

Ամբողջական լուրը կարդալ «Panorama»-ի մէջ՝

https://docs.google.com/spreadsheets/d/12_GrjHgcJk7LQH1x3gBFYUpqYABTpZvthLbY-mhCASo/edit#gid=542528487&range=F144

ԿԻՍՎԵԼ

Թողնել մեկնաբանություն

Ձեր էլ․փոստի հասցեն չի հրապարակվի։ Պարտադիր դաշտերը նշված են *

Պատասխանել

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով