Հայաստան «Air Arabia»-ի հետ ազգային ցածածախս օդընկերութիւն հիմնելու համաձայնագիր ստորագրած է

lowcost-armenia

"ՀՀ փոխվարչապետի պաշտօնակատար Տիգրան Աւինեանի հաղորդումով՝ «Air Arabia»-ի հետ համատեղ անկախ օդընկերութիւն մը հիմնելու համաձայնագիր ստորագրուած է: Նշենք, որ օդընկերութիւնը պիտի հաստատուի «Զուարթնոց» օդակայանին մէջ: Ըստ Աւինեանի՝ ըլլալով ցածածախս՝ օդընկերութիւնը զարկ պիտի տայ զբօսաշրջութեան եւ անոր կապակից ոլորտներու զարգացման: Միւս կողմէ՝ Միջին Արեւելքի եւ Հիւսիսային Ափրիկէի մէջ մեծագոյն օդընկերութեան՝ «Air Arabia»-ի հետ գործակցութիւնը արդէն աւելի գրաւիչ կը դարձնէ ծրագիրը: «Ազգային նոր օդընկերութիւնը պիտի ընդլայնէ ՀՀ քաղաքացիներուն հնարաւորութիւնները՝ մատչելի ու որակեալ ճամբորդութիւններ կատարելու: Վստահ եմ, որ ծրագիրը յաջողութիւն պիտի գտնէ: Անոր արդիւնքները ակնյայտ պիտի դառնան շատ կարճ ժամանակամիջոցի մը մէջ»,– նշեց փոխվարչապետի պաշտօնակատարը: ՀՀ Քաղաքացիական օդագնացութեան կոմիտէի նախագահ Տաթեւիկ Ռեւազեան մեծ ուրախութեամբ արտայայտուեցաւ՝ ըսելով, թէ Հայաստան վերջապէս պիտի ունենայ ազգային ցածածախս օդընկերութիւն մը, որ պիտի հիմնուի ոլորտի լաւագոյն մասնագէտներուն կողմէ: Լուրը ամբողջութեամբ կարդալու համար տեսնել «Արմէնփրես»-ի յօդուածը՝ "

https://armenpress.am/eng/news/1058185.html#.YO8xYEbWwFM.whatsapp

SHARE ON

Submit a comment

Your email address will not be published. Required fields are marked *