«Արմէնիա Ուայն»-ը ոսկէ մետալի արժանացած է «MUNDUS VINI» մրցոյթին

armenian-wine-wins-gold

"20 տարի առաջ Գերմանիոյ մէջ հիմնադրուած ու համաշխարհային համբաւ վայելող «Grand International Wine Award» մրցանակաբաշխութիւնը կը համարուի գինեգործական խոշորագոյն ու ամենաազդեցիկ մրցոյթներէն մէկը: Իւրաքանչիւր տարի 45 երկրէ հազարաւոր գինարտադրողներ կը մասնակցին այս մրցոյթին, ուր կ'որոշուի գինիին որակը, իսկ գնահատումը կը կատարեն համաշխարհային մակարդակի 170 փորձագէտներ՝ սոմելիէներ եւ գինեգործներ: Չորս օր շարունակ գինիի բարձր որակաւորում ունեցող դատակազմը համտեսեց ու գնահատեց շուրջ 4.500 գինիներ ամբողջ աշխարհէն ու ընտրեց անոնցմէ լաւագոյնները: 29-րդ «Grand International Wine Award MUNDUS VINI» մրցոյթին Հայաստանի արդիւնքները տպաւորիչ են. «Արմէնիա Ուայն»-ը պատուոյ հարթակի ոսկէ մետալ նուաճողներէն է՝ ընդհանուր 8 մետալով: Այս մրցանակը շահած գինեգործները յատուկ պատիւի կ'արժանանան: «Արմէնիա Ուայն» գինեգործարանի 2019 թուականի բերքահաւաքի «Տակառ» կարմիր չոր գինին տիրացած է «Best Show»-ին, որ կը տրուի իր կարգին մէջ լաւագոյն գինիին: Ոսկէ եւ արծաթ մետալներ նուաճած են «Արմէնիա Ուայն» ընկերութեան հետեւեալ գինիները. * Ոսկէ մետալ՝ Երեւան 782 BC կարմիր չոր 2020 * Ոսկէ մետալ՝ Երեւան 782 BC սպիտակ չոր 2020 * Ոսկէ մետալ՝ Տակառ կարմիր չոր 2019 * Ոսկէ մետալ՝ Տակառ Ռեզերվ 2016 * Ոսկէ մետալ՝ Թարիրի սպիտակ չոր 2018 * Ոսկէ մետալ՝ Թարիրի կարմիր չոր 2018 * Արծաթէ մետալ՝ Արմէնիա կարմիր չոր 2020 * Արծաթէ մետալ՝ Տակառ սպիտակ չոր 2019 Ամբողջական լուրը կարդալ «Հետք»-ի կայքէջին մէջ՝ "

ԿԻՍՎԵԼ

Թողնել մեկնաբանություն

Ձեր էլ․փոստի հասցեն չի հրապարակվի։ Պարտադիր դաշտերը նշված են *

Պատասխանել

Ձեր էլ-փոստի հասցեն չի հրապարակվելու։