44-օրեայ պատերազմին ազրպէյճանցի ցանցահէնները յաջողած են ջնջել «Ղարաբաղ Թելեքոմ»-ի սպասարկիչները

azerijian-hackers

"Անցնող տարուան պատերազմին ազրպէյճանցի ցանցահէնները թիրախաւորած են Արցախի հեռահաղորդակցութեան վարիչ «Ղարաբաղ Թելեքոմ» ընկերութեան սպասարկիչներն ու զանոնք դիւրութեամբ ջնջած: 9 Նոյեմբեր 2020-ին՝ հրադադարի օրը, ազրպէյճանցի ցանցահէնները հրապարակեցին ընկերութեան յաճախորդներուն հեռախօսահամարները: Պատերազմի առաջին օրերուն ցանցահէնները յաջողեցան խաթարել «Ղարաբաղ Թելեքոմ»-ի վարիչ համակարգերն ու ջնջել ընկերութեան բոլոր պահուստային տուեալները: «Անցեալ տարի անմխիթար վիճակի մէջ էինք: Կան էական ենթակառուցուածքներ, որոնց պաշտպանութիւնը ինչպէս Հայաստանի, այնպէս ալ Արցախի մէջ ըստ կարելւոյն չէ եղած: Ինչ որ կարելի էր, իրագործուեցաւ: Հայկական կողմէն ցանցահէնները եւս մեծ աշխատանք տարին, բայց այն ինչ որ յաջողեցան ընել բաղդատմամբ ազրպէյճանական կողմին՝ ոչինչ էր»,- նշեց տեղեկատուական արհեստագիտութեան փորձագէտ Արթուր Պապեան: Ամբողջական լուրը՝ «Հետք»-ի վրայ՝ "

ԿԻՍՎԵԼ

Թողնել մեկնաբանություն

Ձեր էլ․փոստի հասցեն չի հրապարակվի։ Պարտադիր դաշտերը նշված են *

Պատասխանել

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով