"Հայաստանի մանուկներ հիմնադրամը մշտական բնակարան կ'ապահովէ նախորդ տարուան Արցախեան պատերազմի պատճառով տեղահանուած Արցախցի 13 ընտանիքներու համար: Այս ընտանիքներէն երկուքը ՝ Մարգարեաններն ու Չիրկինեանները, արդէն իսկ Յունիս 11-ին տեղափոխուեցան իրենց նոր տուները, որոնք կը գտնուին Դեբետ եւ Դսեղ գիւղերուն մէջ (Հայաստանի Լոռի մարզ): Ծրագրի սկզբնական փուլի իրականացումը կը բաւարարէ աւելի քան 100 մարդու (Արցախցի) բնակարանային կարիքները: Անցեալ դեկտեմբերին «COAF»- ի «Moving Mountains» դրամահաւաքը մասամբ նուիրուած էր հակամարտութիւններէն անմիջապէս յետոյ, տեղահանուած ընտանիքներուն հմաար տուներ կառուցելու նպատակով: Կազմակերպութեան նպատակն է կառուցել եւ վերանորոգել ընդհանուր առմամբ 10,000 քառակուսի ոտնաչափ բնակարանային տարածքը, մէկ քառակուսի ոտնաչափը 430 տոլար արժէքով եւ 13 տունը` 750 քմ միջին բնակելի տարածքով: Տուներու կահաւորումը ամբողջովին կատարուած է՝ հոսող ջուրով, ջեռուցմամբ, ելեկտրականութեամբ, ինտերնետով, ինչպէս նաեւ սառնարանները, լուացքի մեքենաները, փոշեկուլները, հեռատեսիլները եւ խոհանոցային ապրանքները ապահովուած էին: Պատմութիւնը կարդալու համար, ստուգեցէ՛ք «Asbarez»- ի մէջ տեղադրուած յօդուածը:"
https://asbarez.com/coaf-provides-first-set-of-homes-to-displaced-families-from-artsakh/
