Թէ ինչպէ՞ս կրցաւ Էրտողան վերաձեւել թրքական բանակը

aug2-3posts

"16 Յուլիս 2016-ին պետական յեղաշրջում տեղի ունեցաւ Թուրքիոյ մէջ: Նախագահ Էրտողանի դէմ ձախողած յեղաշրջումին զոհ գնաց 500 հոգի, իսկ առնուազն 20.000 զինուոր ձերբակալուեցաւ: Իրողութիւնը այն է, որ հինգ տարի անց դեռ ոչինչ յստակացած է: Արդեօք ո՞վ կազմակերպեց յեղաշրջումը. Էրտողանի նախկին դաշնակից, այնուհետեւ՝ մրցակից Ֆեթուլլահ Կիւլէ՞նը, թէ՞ թրքական բանակի բարձրաստիճանները, ինչպէս կը նշէ հետազօտող, Անատոլիական հետազօտութիւններու ֆրանսական հիմնարկի քաղաքագէտ-ընկերաբան Սիւմպիւլ Քայան. «Ըստ իս՝ կիւլէնականներէն բացի կային ուրիշներ ալ: Օրինակ՝ բարձրաստիճան սպաներ եւս մասնակցեցան յեղաշրջումին: Անոնք կիւլէնականներ չէին, սակայն ընդգրկուած էին բոլոր գործողութիւններուն մէջ՝ առիթը լաւագոյնս օգտագործելու նպատակով կամ քաղաքական այլ դրդապատճառներով, ինչպէս՝ Էրտողանի գաղափարախօսութեան հետ բացայայտ անհամաձայնութիւնն ու այդ ժամանակահատուածին իշխանութեան գործելաոճը: Խնդիրը այն է, որ թրքական բանակը 20-րդ դարու երկրորդ կէսի իւրաքանչիւր տասնամեակին պետական յեղաշրջում կատարած է՝ 1960, 1971, 1980, 1997: Նկատի ունենալով նախարարներուն տուած այցելութիւնները կրօնական տօներուն եւ կրօնական դպրոցներու շրջանաւարտներուն ռազմական փորձերուն միանալու համար շնորհուած թոյլտուութիւնը՝ բանակը հետզհետէ նուազ աշխարհիկ դարձած է: Միւս կողմէ՝ կրօնական որոշ սահմանափակումներ վերացուած են: Վերոնշեալները ամբողջովին հակառակ են 2002-ի ընտրութիւններուն Էրտողանի կատարած խոստումներուն: Ներկայիս բանակը անոր ձեռքն է: Չմոռնանք նաեւ, որ յեղաշրջումին յաջորդող ամսուն 13.000 հոգի աշխատանքի ընդունուեցաւ: Անոնք գաղափարական գետնի վրայ չափազանց մօտ էին Էրտողանի կուսակցութեան. հաւատարմութիւն մը, որ զանոնք տարաւ դիրքերու եւ պաշտօններու բարձրացման: "

https://www.mediapart.fr/journal/international/190721/comment-erdogan-redessine-sur-mesure-l-armee-turque?onglet=full

SHARE ON

Submit a comment

Your email address will not be published. Required fields are marked *

Մեկնաբանութիւն կատարեցէ՛ք

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով