Բնապահպանական կարեւոր քայլ. Հայաստան պիտի արգիլէ կազմողական տոպրակներու օգտագործումը՝ 2022-էն սկսեալ

news1

"2022-էն սկսեալ Հայաստան պիտի արգիլէ կազմողական տոպրակներու օգտագործումը՝ միջավայրի կեղտոտուածութիւնը նուազեցնելու նպատակով: Այսպիսով ամէն տարի տասներկու թոն կազմողական տոպրակ դուրս պիտի գայ շրջանառութենէ: Այս մասին յայտնեց ՀՀ շրջակայ միջավայրի նախարարութեան ռազմավարական քաղաքականութեան պետ Լուսինէ Աւետիսեան՝ աւելցնելով, որ գետայատակներուն կազմողական նիւթերով «ողողուած» ըլլալու իրողութիւնը յանգեցուցած է սոյն որոշումին: Ի դէպ, մինչեւ օրէնքի ընդունումը ձեռնարկութիւնները 2-3 տարի ունէին՝ իրենց արտադրութիւնը վերաձեւելու եւ այլընտրանքային լուծումներ գտնելու համար: Ընկերութիւնները կազմողական տոպրակներու այլընտրանքներ կը ներկայացնէին՝ առաջարկելով մէկանգամեայ օգտագործման, ինչպէս նաեւ վերօգտագործման տոպրակներ: Կազմողական տոպրակներու արգելքը մեծ ծրագիրի մը ընդամէնը մէկ մասն է: Յառաջիկային ուրիշ կազմողական տոպրակներ եւս պիտի արգիլուին: "

https://armenpress.am/eng/news/1060120.html?fbclid=IwAR2SykRYZqCfJmOOZEakVxOlZ1Fz4W97W91-xQJImMMHXFGj80vqMmKwIVM

SHARE ON

Submit a comment

Your email address will not be published. Required fields are marked *

Մեկնաբանութիւն կատարեցէ՛ք

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով