«Նոր Երեւան». ՅՔԾ նախկին գլխաւոր քարտուղարին ընկերութիւնը 50 շէնքէ բաղկացած թաղամաս կը կառուցէ

WEB new templates

"Յատուկ քննչական ծառայութեան նախկին գլխաւոր քարտուղար Դաւիթ Սուքիասեանին պատկանող «ՄԼ մայնինկ» ՍՊԸ-ն նոր թաղամաս պիտի կառուցէ Մալաթիա-Սեբաստիա վարչական շրջանին մէջ: Պապաճանեան 42/5 հասցէին վրայ ընկերութիւնը շուրջ 8 հա տարածք ձեռք բերած է եւ կը պատրաստուի 9-20 յարկանի 50 բնակելի շէնք կառուցելու: Թաղամասը պիտի կոչուի «Նոր Երեւան» եւ պիտի ունենայ 4000 բնակարան:

«ՄԼ մայնինկ» ՍՊԸ-ի տնօրէն Էդուարդ Մարգարեան այս թաղամասին կառուցումը աննախադէպ կը համարէ, քանի որ շուկային մէջ առկայ ամենացած գիներէն մէկը պիտի առաջարկեն շահառուներուն. 1 քմ-ը պիտի վաճառուի 590 տոլարի համարժէք դրամով: Աւելին՝ այս արժէքը սահմանուած է հաստատուն, եւ որեւէ թանկացում պիտի չըլլայ բնակարանի տեղի, յարկայնութեան, տեսարանի եւ այլ բարենպաստ պայմաններու կամ առաւելութեան պարագային:

Մարգարեան կը նշէ նաեւ, որ կը նախատեսեն նախագիծի լայնածաւալ շինարարութիւնը աւարտին հասցնել փուլային տարբերակով. մէկ մասը՝ մինչեւ 2024 թուականը, իսկ ամբողջական համալիրը՝ 2026 թուականին:

https://hetq.am/hy/article/136007?fbclid=IwAR1fGJa3oPUevHujdmvf8FtxiJMA0zHDZU8gKSqwLcYJjv6etlGuwLhcQD0#.YUzcQsjQEjw.facebook

ԿԻՍՎԵԼ

Թողնել մեկնաբանություն

Ձեր էլ․փոստի հասցեն չի հրապարակվի։ Պարտադիր դաշտերը նշված են *

Պատասխանել

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով