Գրաւեալ Աւետարանոց. Մշակութային յուշարձաններու ապագան անորոշ է

"27 Հոկտեմբեր 2020-ին Արցախի Հանրապետութեան Ասկերանի շրջանի Աւետարանոց գիւղը անցաւ ազրպէյճանական զինուած ուժերու վերահսկողութեան տակ: Աւետարանոցը Արցախի ամենահին ու ամենայայտնի բնակավայրերէն մէկն է, որ իբրեւ յենակէտ ծառայած է հայ աւատատիրական մելիքներու: Պատմական աղբիւրներու մէջ գիւղը յիշատակուած է դեռեւս 17-րդ դարէն: Տարիներու ընթացքին բազմաթիւ յուշարձաններ յայտնաբերուած են Աւետարանոցի մէջ: Օրինակ՝ 2011-ին 53 յուշարձան գրանցած է Արցախի կառավարութիւնը: Իսկ 2019-ին յուշարձանագէտ Սլաւա Սարգսեան յայտնաբերած է եւս 83 յուշարձան: Արցախի պետական համալսարանի պատմութեան եւ քաղաքագիտութեան ամպիոնի աւագ դասախօս Լեռնիկ Յովհաննիսեան նշած է, որ գիւղը հարուստ է պատմա-մշակութային յուշարձաններով, որոնցմէ ոմանք կը պատկանին մ.թ.ա. առաջին հազարամեակին: Աւանդութեան համաձայն՝ Վաչէ Բ. թագաւորը, այլեւս չկարենալով հանդուրժել պարսից Փերոզ արքայի կրօնական հալածանքները, կը վերցնէ աւետարան մը, կ'առանձնանայ ու այլեւս որպէս ճգնաւոր կ'անցընէ իր օրերը: Այդ իսկ պատճառով գիւղը կը կոչուի Աւետարանոց: Լուրը ամբողջութեամբ կարդալու համար տեսնել «Հետք»-ի յօդուածը՝

https://hetq.am/en/article/133501