Համարկումի ճամբուն վրայ. Պըրպէնքի մէջ առաջին հայկական որմնանկարը ի ցոյց կը դնէ հայ-ամերիկեան ինքնութիւնները

burbank-armenian

Յուլիս 19-ին Պըրպէնքի մէջ «Nexus Auto Group»-ի պատերուն վրայ ցուցադրուած է առաջին հայկական որմնանկարը, որ կը գտնուի Hollywood Way-ի եւ Burbank Boulevard-ի աջ անկիւնը: Ան կը ներկայացնէ հայկական խորհրդանիշներ, ինչպիսիք են՝ նուռը, Արարատ լեռը, Արցախը եւ Հայոց ցեղասպանութեան նուիրուած յուշարձանը՝ Լոս Անճելըսի ու Պըրպէնքի անուանագիրերով ու շէնքերով հանդերձ, ինչը ցոյց կու տայ տուեալ երկու մշակոյթներուն եւ ինքնութեանց համարկումը: Ձեւաւորողը Փոլին Յակոբեանն է: Ան միաժամանակ վարսայարդար ու դիմայարդար է Պըրպէնքի մէջ, Գալիֆորնիա: Սոյն արուեստի գործը ընտրուած էր «Burbank For Armenia» կազմակերպութեան հանրային արուեստի ծրագիրին միջոցով: Ծրագիրը տեղական նկարիչներ հրաւիրած էր՝ հայկական արմատներ պարզորոշող որմնանկարներ ներկայացնելու համար: Հայերը Պըրպէնքի բնակչութեան 16 տոկոսը կը կազմեն: Ի դէպ, Պըրպէնքի քաղաքապետը, անդրադառնալով որմնանկարին, նշած է. «Որմնանկարը փայլուն օրինակ է ներառականութեան, ինչպէս նաեւ այն բանուածք-կերտուածքին, որ անքակտելի տարրը կը համարուի Պըրպէնքի հայութեան: Կը կարծեմ, թէ սա շատ կարեւոր է այն տարեցներուն համար, որոնք կը մաքառին իրենց «տեղը» գտնելու, ըլլայ այդ անձնական ձեռնարկութիւն հիմնելով կամ դառնալով երջանիկ տանտիկիններ ու հոգ տանելով իրենց զաւակներուն եւ զանոնք ապահովելով ուսումով: Ներկայիս բազմաթիւ երիտասարդ հայեր յաջողակ բժիշկներ ու փաստաբաններ են»:

https://mirrorspectator.com/2021/07/24/on-the-path-to-integration-the-first-armenian-mural-in-burbank-unveils-armenian-american-identities/

SHARE ON

Submit a comment

Your email address will not be published. Required fields are marked *

Մեկնաբանութիւն կատարեցէ՛ք

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով