«Աւրորա» մարդասիրական նախաձեռնութեան համահիմնադիր, գործարար Ռուբէն Վարդանեան «Ապագայ Հայաստան» միջոցառումին նշած է, որ մենք պէտք չէ սպասենք այսինչ փրկիչին կամ քաղաքական կուսակցութեան, որպէսզի բան մը փոխուի Հայաստանի մէջ, այլ պարտինք մենք ձեւաւորել մեր հայրենիքին ապագան՝ առաջին հերթին փոխելով մեր մտածելակերպը: «Կարեւոր է, որ հասկնանք, թէ որոշ բաներ կախուած են մեր իսկ մտածելակերպէն եւ ոչ թէ պետութենէն: Բազմիցս ըսած եմ, որ Հայաստան չի կրնար փրկիչ ունենալ, որովհետեւ այնտեղ խնդիրները այնքան բազմաթիւ ու բազմատեսակ են, որ ինչ-որ կուսակցութիւն մը չի կրնար փրկիչի դերը ստանձնել: Միակ տարբերակը՝ մեր ապագային տէրը դառնալն է: Ասոնք ընդամէնը խօսքեր չեն. ես ու ընկերներս այսպէս կը մտածենք: Պէտք է միասին կերտենք մեր ապագան: Անհրաժեշտ է այս ոչ-կուսակցական մեթոտը ի գործ դնել»,– շեշտած է Վարդանեան:
Menu
