Գիւղային Հայաստանի մէջ յոյսի տնկում:

ATP, Ազնուաձորի տեղացի գիւղացիներուն համար աշխատանքի հնարաւորութիւն կը ստեղծէ: Որովհետեւ վերջին շրջանի պատերազմի արդիւնքէն յառաջացած համաճարակային եւ ընկերային-տնտեսական խնդիրներու պատճառով շատ գիւղացիներ չեն կրնար գործի համար արտագաղթել, ATP-ի կողմէ ստեղծուած ժամանակաւոր աշխատանքային հնարաւորութիւնները կարեւոր նշանակութիւն ունին գիւղական տարածքին մէջ տնտեսական հնարաւորութիւններ ստեղծելու հարցով: Վերջերս, Լոռիի մարզի Ազնուաձոր համայնքը դարձավ ATP-ի աշխատանքի խթանման առանցքային կէտը: Գիւղը կը գտնուի Բազումի լեռնաշղթայի հարաւային լանջերուն՝ Վանաձոր քաղաքէն 4 քմ հեռաւորութեան վրայ: Կը զբաղեցնէ 14,56 քառ. քմ տարածք, եւ ունի շուրջ 300 բնակչութիւն: Ազնուաձորի գարնանային տնկումը սկսաւ երկուշաբթի, 19 ապրիլին, եւ տեւեց երկու շաբաթ: Մէկ հեքթարի վրայ տնկուած է աւելի քան 85,000 ծառ: Ծառերու տեսակներն են սոճին, վայրի խնձորը, կաղնին եւ հաճարը: Նոր ծառերը պաշտպանելու նպատակով, նաեւ տեղադրուեցան ցանկապատեր: Երկարաժամկետ ազդեցութիւնը այն է, որ տնկուած անտառը կենսաբազմազանութեան, հողի ու ջուրի պահպանման եւ բնածուխի գրաւման պիտի նպաստէ: Հատկանշական է, որ 60 գիւղացիներ գործի ընդունուեցան տնկումներուն օգնելու համար: Լուրը ամբողջութեամբ կարդալու համար կրնաս ստուգել «Asbarez»-ի յօդուածը:

http://asbarez.com/202302/planting-hope-in-rural-armenia/

SHARE ON

Submit a comment

Your email address will not be published. Required fields are marked *

Մեկնաբանութիւն կատարեցէ՛ք

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով