Նախագահ Սարգսեան Կարմիր Խաչի Միջազգային Կոմիտէի (ԿԽՄԿ) նախագահին նամակ մը հղած է՝ Ազրպէյճանէն հայ ռազմագերիներու վերադարձը ապահովելու վերաբերեալ:

Հայաստանի նախագահ Արմեն Սարգսեան կարմիր խաչի միջազգային կոմիտէի նախագահ Փիթըր Մաուըրի նամակ մը ուղղարկած է՝ կոմիտէի աջակցութիւնը ակնկալելով հայ ռազմագերիներու եւ խաղաղ բնակիչներու Ազրպէյճանէն շուտափոյթ վերադարձին: Իր նամակին մէջ Հայաստանի Հանրապետութեան նախագահը նշած է, որ Ազրպէյճանի դէմ Թուրքիոյ աշխոյժ եւ անմիջական մասնակցութեամբ Արցախի դէմ սկսած վերջին պատերազմին ընթացքին գերեվարուած են քանի մը հարիւր հայ զինծառայողներ եւ խաղաղ բնակիչներ՝ նշելով որ ռազմագերիները Ազրպէյճանի կողմէ խոշտանգումի եւ անմարդկային վերաբերմունքի կ'ենթարկուին: «Այսօր Արցախի մարդկային իրավիճակին անդրադառնալը առանցքային խնդիր է եւ միջազգային հանրութեան կողմէ անհրաժեշտ ուշադրութիւն կը պահանջէ: Միջազգային հանրութիւնը, ԵԱՀԿ Մինսքի խումբի բոլոր երկիրները, միջազգային կազմակերպութիւններն ու անհատները պետք է համարժէք պատասխան տան Ազրպէյճանի գործողութիւններուն: Լուրը ամբողջութեամբ ընթերցելու համար տե՛ս «ArmenPress»-ի յօդուածը:

https://armenpress.am/eng/news/1050866.html

SHARE ON

Submit a comment

Your email address will not be published. Required fields are marked *

Մեկնաբանութիւն կատարեցէ՛ք

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով