Երեւանի բուսաբանական այգին պիտի վերակենդանանայ՝ շնորհիւ Կարէն Վարդանեանի 105 մլն դրամ օգնութեան

yerevan-botical-garden

Աւելի քան 30 տարի է անտեսուած ըլլալով՝ Երեւանի բուսաբանական այգիի՝ կանաչ ծառերով պահպանուած հիմնական հատուածը, որ կը զբաղեցնէ շուրջ 15 հեքթար տարածք, այսուհետեւ կրնայ ոռոգուիլ տարուան որեւէ եղանակի:

Այս նպատակով՝ բարերար Կարէն Վարդանեանի ֆինանսաւորմամբ կառուցուած է ոռոգման 5 քմ երկարութեամբ ցանց, տեղադրուած են ջրհան կայան, խորքային հոր, 60 թոն բաք, 180 փական եւ արեւակայան: Բաց աստի, ջրազտման աւազան կառուցուած է:

Սա թոյլ կու տայ խնայելու տարեկան մօտ 5 մլն դրամ ելեկտրականութեան ծախսերէն, որոնք աւելցած են նոր տեղադրուած ջրհան կայանին պատճառով: Այսպիսով նաեւ կարելի կ'ըլլայ տնտեսուած գումարը օգտագործել այլ խնդիրներ լուծելու համար:

Արեւակայանի անխափան աշխատանքին ու երկարակեցութեան համար նորոգուած է շինութեան 800 քառակուսի մեթր տանիքը:

Ոռոգման ցանցի կառուցման, տանիքի նորոգութեան եւ արեւակայանի տեղադրման համար Կարէն Վարդանեան յատկացուցած է 105 մլն դրամ:

https://lurer.com/?p=433271&l=en

ԿԻՍՎԵԼ

Թողնել մեկնաբանություն

Ձեր էլ․փոստի հասցեն չի հրապարակվի։ Պարտադիր դաշտերը նշված են *

Պատասխանել

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով