Ուրախ ենք ներկայացնել HyeConnect հարթակի անդրադարձը DiasporArm ՀԿ-ի կողմից իրականացվող Պատանի Առաջնորդների Դպրոցի (ՊԱԴ) գործունեությանը և երկու կազմակերպությունների միջև ձևավորված համագործակցությանը:
ՊԱԴ-ը վեցամսյա ոչ ֆորմալ կրթական ծրագիր է, որի նպատակն է հզորացնել Էջմիածնի և հարակից համայնքների 14-19 տարեկան պատանիներին ու երիտասարդներին: Այն ձգտում է նպաստել բարեկիրթ, մրցունակ և հայրենասեր քաղաքացիների ձևավորմանը՝ միաժամանակ ստեղծելով սոցիալական կապիտալի (նեթվորքինգի) նոր հարթակ: Ծրագրի ընթացքում մասնակիցներին փոխանցվում են արժեքներ, հմտություններ և գիտելիքներ, որոնք անհրաժեշտ են կայուն զարգացման և ապահով ապագա կերտելու համար:
HyeConnect-ը՝ համահայկական առաջին սոցիալական հարթակը, հիմնադրվել է 2019 թվականին Սերժ Թանկեանի, Ալեքսիս Օհանեանի, Երուանդ Զօրեանի եւ Էրիք Էսրայէլեանի կողմից: Հարթակը նպատակ ունի դառնալ աշխարհասփյուռ հայության կապող օղակ՝ խթանելով համայնքների միջև փոխադարձ աջակցությունը և համագործակցությունը:
Սիրով հրավիրում ենք բոլորին գրանցվել HyeConnect հարթակում՝ բացահայտելու նրա ընձեռած հնարավորությունները և դառնալու համահայկական այս կարևոր նախաձեռնության մասը:
