"Յաջորդ 12-18 ամիսներու ընթացքին, Թուրքիան կը փորձէ զօրացնել իր ազդեցութիւնը տարածաշրջանին մէջ, երկուշաբթի հաղորդեց թրքագէտներու յայտնի հայ փորձագէտ՝ Ռուբէն Սաֆրաստեանը, խօսելով հայ եւ ռուս քաղաքագէտներու խումբի «Լազարեւ» ակումբի կողմէ կազմակերպուած քննարկման ժամանակ, որ տեղի ունեցաւ Երեւանի մէջ: Ըստ Սաֆրաստեանի, Անգարան սկսաւ այս քաղաքականութեան մի քանի տարի առաջ, որպէսզի տարածաշրջանին մէջ գերիշխող դիրքին հասնի եւ Թուրքիոյ հիմնական ծրագիրն է իրենց զինուած ուժերու օգտագործումը: Ան կը փոխանցէ,որ 2016-ին Թուրքիան սկսաւ զօրացնել այս առանցքի ռազմական բաղադրիչը, որ կը ներառէ նաեւ Ազրպէյճանը, իսկ 2020-ին ան սկսաւ ժամանակակից սպառազինութիւն մատակարարել Ազրպէյճանին, որպէսզի նախապատրաստուին Արցախի (Լեռնային Ղարաբաղի) վրայ յարձակման: Սաֆրաստեանը նաեւ նշեց, որ տարածաշրջանին մէջ Թուրքիոյ քաղաքականութեան համար շատ կարեւոր սահման պիտի ըլլայ 2023 թուականը, երբ Թուրքիոյ Հանրապետութեան 100-ամեակը պիտի նշուի: Այս մէկը կարեւոր կը համարուի, որովհետեւ Էրտողանը պիտի յայտարարէ այդ ժամանակ Նոր Թուրքիոյ (Yeni Turkiye) ստեղծման մասին: Ամբողջական յօդուածը կարդացէ՛ք «Երեպունի» կայքէջէն:"

https://www.yerepouni-news.com/2021/06/14/armenian-turkologist-turkey-will-try-to-beef-up-its-influence-in-the-region/

hy