Առաքելություն
«DiasporArm»-ի առաջնային առաքելությունն է բացահայտել և քարտեզագրել այն տաղանդները, կարողություններն ու կենսական կապերը, որոնք առկա են աշխարհասփյուռ հայկական համայնքներում՝ Սիդնեյից մինչև Լոս Անջելես։ Քարտեզագրման ծրագրի միջոցով մենք նպատակ ունենք ստեղծել դինամիկ և անընդհատ թարմացվող տեղեկատվական շտեմարան հայ և հայասեր անհատների, կազմակերպությունների և ձեռնարկությունների մասին։ Այս կերպ մենք ձգտում ենք խթանել արդյունավետ համագործակցությունը, բարձրացնել ճանաչելիությունը և նպաստել համաշխարհային սփյուռքի ռազմավարական զարգացմանը։
Նախագծի շրջանակը
1. Անհատներ
ա․ Բացահայտել նշանավոր հայերին և հայասեր անհատներին այնպիսի ոլորտներում, ինչպիսիք են գիտությունը և հետազոտությունը (օր.՝ նանոտեխնոլոգիայի դոկտորանտներ, գրաբարի մասնագետներ), առողջապահությունը, իրավունքը, դիվանագիտությունը, լրագրությունը, բարեգործությունը, ձեռնարկատիրությունը
բ․ Գնահատել նրանց ազդեցության շրջանակը և մասշտաբը (տեղական, տարածաշրջանային, գլոբալ)
2. Կրթական հաստատություններ
ա․ Քարտեզագրել հայկական դպրոցները և կրթական ծրագրերը՝ ուսուցանվող լեզուները, աշակերտների թիվը, հաջողություններն ու առկա կարիքները
բ․ Կիսվել ռեսուրսներով՝ լավագույն փորձով, գործիքներով և նորարարական ուսուցման մեթոդներով
գ․ Ներգրավել շահագրգիռ կողմերին՝ ուղղված հայկական միասնական ուսումնական ծրագրի ստեղծմանը
դ․ Ստեղծել ռեսուրսներ, որոնք կզորացնեն դպրոցներին հաջողակ, արժեքահեն սերունդներ դաստիարակելու գործում։
3. Կրոնական և մշակութային կենտրոններ / կազմակերպություններ
ա․ Արձանագրել կազմակերպությունների առաքելությունները, գործունեության շրջանակը և հասանելի գործառնական տվյալները (օր.՝ տարեկան բյուջեներ)
բ․ Խթանել նմանատիպ հաստատությունների միջև գործընկերությունների և աջակցության ցանցերի ձևավորումը ամբողջ աշխարհում
4. Ձեռնարկություններ
ա․ Քարտեզագրել հայերին պատկանող կամ հայությանը սպասարկող բիզնեսները
բ․ Նշել ոլորտը, ծառայությունները/ապրանքները և հիմնական տվյալները (եկամուտներ, աշխատուժ)
գ․ Ստեղծել սերտ համագործակցություն բիզնեսների, համայնքի պահանջների և Հայաստանի տնտեսական համակարգի միջև։
Հիմնական առանձնահատկություններ
ա․ Համապարփակ պրոֆիլներ ․ անհատների (տես օրինակը), հաստատությունների և ձեռնարկությունների մասին մանրամասն տեղեկություններ
բ․ Որոնման և ֆիլտրելու հնարավորություն․ ամբողջովին որոնելի և ֆիլտրվող տվյալներ՝ ըստ վայրի, ոլորտի, մասշտաբի և փորձագիտական ոլորտի
գ․ Ռազմավարական ցանցային կառուցվածք. մշակված է թիրախային կապերի հաստատման, մենթորության, ռազմավարական գործընկերությունների և իրազեկման համար
դ․ Համագործակցության հարթակ․ գործնական միջավայր, որը միավորում է նպատակներով և արժեքներով համահունչ շահագրգիռ կողմերին։
Ընթացիկ զեկույց
Մենք արդեն կազմել ենք հիմնական տվյալների բազա, որը ներառում է բոլոր չորս կատեգորիաները՝ անհատներ, կրթական հաստատություններ, մշակութային և կրոնական կազմակերպություններ, ինչպես նաև ձեռնարկություններ։ Այն հանդիսանում է Սփյուռքի քարտեզագրման նախագծի ողնաշարը։
Նպատակ
Հասանելի, խելացի թվային հարթակի ստեղծում, որը լիակատար տեսանելիություն կապահովի համաշխարհային հայկական ցանցին՝ ուժեղացնելով ազգային պատկանելության զգացումը, ամրապնդելով հայկական ինքնությունը և ապահովելով արդյունավետ համագործակցություն սերունդների ու սահմանների միջև։
