Ուրախ ենք ներկայացնելու HyeConnect հարթակին անդրադարձը DiasporArm կազմակերպութեան կողմէ իրականացուող Պատանի Առաջնորդներու Դպրոցի (ՊԱԴ) գործունէութեան եւ երկու կազմակերպութիւններուն միջեւ ձեւաւորուած գործակցութեան:
ՊԱԴ-ը վեցամսեայ ոչ աւանդական կրթական ծրագիր մըն է, որուն նպատակն է հզօրացնել Էջմիածնի եւ շրջակայ համայնքներուն 14-էն 19 տարեկան պատանիներն ու երիտասարդները: Անիկա կը ձգտի նպաստել քաղաքակիրթ, մրցունակ եւ հայրենասէր քաղաքացիներու ձեւաւորման՝ միեւնոյն ատեն ստեղծելով ընկերային կապերու (ցանցայնութեան) նոր հարթակ մը: Ծրագրին ընթացքին մասնակիցներուն կը փոխանցուին արժէքներ, կարողութիւններ եւ գիտելիքներ, որոնք անհրաժեշտ են կայուն զարգացման եւ ապահով ապագայ կերտելու համար:
HyeConnect-ը՝ համահայկական առաջին ընկերային հարթակը, հիմնուած է 2019 թուականին Սերժ Թանկեանի, Ալեքսիս Օհանեանի, Երուանդ Զօրեանի եւ Էրիք Էսրայէլեանի կողմէ: Հարթակը նպատակ ունի դառնալու աշխարհասփիւռ հայութեան կապող օղակը՝ խթանելով համայնքներուն միջեւ փոխադարձ աջակցութիւնն ու գործակցութիւնը:
Սիրով կը հրաւիրենք բոլորը՝ արձանագրուելու HyeConnect հարթակին վրայ՝ բացայայտելու ատոր ընձեռած հնարաւորութիւնները եւ մասնիկը դառնալու համահայկական այս կարեւոր նախաձեռնութեան:
