Յուլիս 6-ին Կիւմրիի մէջ պիտի բացուի Հայաստանի մէջ առաջին Իլիւզիաներու թանգարանը:
Այդտեղ պիտի ցուցադրուի բնագիտութեան, թուաբանութեան, հոգեբանութեան վրայ հիմնուած մօտ 50 ցուցանմուշ։ Այցելուները հնարաւորութիւն պիտի ունենան տեսնելու կախարդական սենեակները եւ այնտեղ ներգրաւուելու:
«Թանգարան ստեղծելու գաղափարը շատոնց կար: Տարիներով ուսումնասիրած ենք տարբեր երկիրներու նմանատիպ թանգարաններ։ Կը կարծենք, որ ան հետաքրքրական պիտի ըլլայ ինչպես տեղացիներուն, այնպէս ալ զբօսաշրջիկներուն։ Կիւմրի քաղաքն ալ պատահական չենք ընտրած։ Այս քայլով կը փափաքինք աշխուժացնել քաղաքի ժամանցային կեանքը»,- նշած է թանգարանի համահիմնադիր Կրիշա Ամիրխանեան։
https://www.panarmenian.net/eng/news/301195/Armenias_first_Museum_of_Illusions_to_open_in_Gyumri
