«Արտ սինեմա» համոյթը իւրայատուկ երաժշտական խումբ մըն է, որ հիմնադրած է գեղարուեստական ղեկավար Աշոտ Խոյեցեանը՝ 2010 թուականին։ Խոյեցեանը՝ առաջին ջութակով, Նիքոլայ Մանքոն՝ երկրորդ ջութակով, Լեւոն Առաքելեանը՝ թաւջութակով, եւ Ռոման Ռուտամեթովը՝ դաշնամուրով, համոյթի երգացանկը կ'ընդգրկէ այնպիսի եզակի նախագծեր, ինչպիսին են՝ «Adventure Seekers»-ը, «Love Stories»-ը, «Film Studio Journey»-ն եւ «Armenfilm»-ը: Բոլոր բնագիրներն ու համադրումները կատարած է նոյնինքն Խոյեցեանը։
Համոյթը հիւրախաղերով հանդէս եկած է Գերմանիոյ, Լիբանանի եւ Ռուսիոյ մէջ: 2016-էն 2018 թուականներուն միջեւ, անիկա Հայաստանի մէջ ստացած է պետական կարգավիճակ «Արտ սինեմա» մենակատարներու պետական համոյթ անվանումով, ապա ընդլայնած է իր գործունէութիւնը Ռուսիոյ մէջ, ուր 8 յատուկ ծրագիր ստեղծած է ընդամէնը 2 տարուան մէջ:
2021 թուականէն ի վեր «Արտ սինեմա» համոյթը կը մասնակցի տարբեր փառատօներու: 2021 թուականի հոկտեմբերին, Միացեալ Թագաւորութեան Գործիքային համոյթներու միջազգային մրցոյթին, անիկա գրաւեց «Ոսկեայ ժամանակի տաղանդ» մրցանակին առաջին տեղը։
«Արտ սինեմա» համոյթը պատրաստակամ է նոր համագործակցութիւններու, որովհետեւ կը ձգտի ընդլայնել իր գործունէութիւնը Եւրոպայի, Ասիոյ, Մերձաւոր Արեւելքի, Հիւսիսային եւ Հարաւային Ամերիկաներու մէջ: Անզուգական տաղանդով եւ իւրայատուկ կատարումներով՝ «Արտ սինեմա» համոյթը անպայման դիտելու երեւոյթ մըն է երաժշտութեան սիրահարներուն համար: Երաժշտութեան մասնագէտները, որոնք հետաքրքրուած են անոր հետ համագործակցելով կամ ներկայացում պատուիրելով՝ թող հաճի՛ն կապուիլ հետեւեալ ելեկտրոնային հասցէով. arttcinemaensemble@gmail.com
