Լոս Անճելոսը տասնամեակներ շարունակ եղած է հայկական խոհանոցի տունը, ուր սիրուած ուտեստներն են՝ խորովածը, մսաշօթը եւ շաւուրման: Այնուամենայնիւ, վերջին տարիներուն, հայ խոհարարներու եւ ճաշարաններու նոր սերունդ մը ի յայտ եկած է, որոնք կը ցանկան իրենց ձեռագիրը ներդնել աւանդական ուտեստներուն վրայ, եւ ներկայացնել նոր համեր ու պատրաստման եղանակներ:
Լոս Անճելոսի սնունդի ասպարէզէն ներս աչքի զարնող հայազգի խոհարարներու շարքէն է Արա Զատան. խոհարար եւ «Լաւաշ» խոհարարական գրքի համահեղինակ, որ կը բացայայտէ հայկական խոհանոցին յատուկ հացը: Զատան եւ կատակերգու Ժաք Ասատուրեան Կրտսերը, այս տարուան սկիզբը յայտնի դարձան իրենց իւրօրինակ հայ-մեքսիքական միաձուլուած ուտեստներուն շնորհիւ, որոնց շարքէն էր՝ «Լահմարիթո». այսինքն՝ պուրիթո, կլոր մսաշօթ, համեմուած պաստուրմայի միս, հումուս, մեքսիքական քարնէ ասատայի աւանդական միջուկ, բրինձ, փիքո տէ կալո եւ սալսա՝ ամբողջը լաւաշի մէջ փաթթուած։
Մէկ այլ նշանաւոր խոհարարուհի մըն ալ՝ Մարիաննա Վ. Զաւալան է, ով իր «Maro Wood Grill» ճաշարանէն ներս հայկական աւանդական ուտեստներ կը մատուցանէ՝ օգտագործելով փայտի վրայ եփելու եղանակն ու տեղական օրկանական բաղադրիչները: Մինչդեռ «Ospi» ճաշարանի գլխաւոր խոհարարը՝ Սեւան Ապտեսեանը, կը մատուցանէ ժամանակակից հայկական ուտեստներ՝ իտալական եւ ֆրանսական ազդեցութիւններով:
Այս խոհարարներն ու անոնց նմանները կը փոխակերպեն հայ գաղթականներուն խոհանոցը Լոս Անճելոսի մէջ՝ ազդուելով Քալիֆորնիոյ եղանակէն, տեղական սնունդի մշակոյթներէն եւ այլ հանգամանքներէ՝ պահպանելով, սակայն, իրենց համայնքի խոհարարական ժառանգութիւնը:
https://www.latimes.com/food/list/best-restaurants-redefining-modern-armenian-cuisine-in-los-angeles
