Անցեալ շաբաթ Միջազգային հանրապետական հիմնարկը հրապարակեց հանրային կարծիքի վերջին ուսումնասիրութիւնը, որ իրականացուած է Հայաստանի բոլոր մարզերուն մէջ: Ամենահետաքրքրական պատասխանները տրուած են ուսումնասիրութեան այն հատուածին մէջ, որ կեդրոնացած է արցախեան հիմնախնդիրի քաղաքական լուծումին վրայ:
«Քու կարծիքովդ՝ ո՞րը ընդունելի լուծում կրնայ ըլլալ արցախեան հակամարտութեան» հարցումին ի պատասխան 35 տոկոսը նշած է Արցախի լիարժէք անկախութիւնը, 34 տոկոսը՝ Հայաստանի հետ միացումը:
16 տոկոսը նշած է Արցախի ինքնավար կարգավիճակը Հայաստանի կազմին մէջ, իսկ 11 տոկոսը՝ Արցախի կարգավիճակը Ռուսաստանի կազմին մէջ:
Այս պատասխանները յատկանշական են անով, որ անոնք կու գան ի հետեւումն Արցախի մէջ Հայաստանի կրած աղէտալի պարտութենէն ետք: 2020-ի պատուհասէն ետք շրջանառութեան մէջ է խօսակցութիւն մը, ըստ որուն՝ 44-օրեայ պատերազմի մարդկային ծանր կորուստին պատճառով հայ հասարակութիւնը յոգնած է Արցախէն եւ պատրաստ է անցեալին մէջ թաղելու իր տասնամեակներու դժգոհութիւնները եւ կեդրոնացումը ուղղելու Հայաստանի ներքին խնդիրներուն:
Դիտեցէ՛ք ամբողջական նիւթը «Սիվիլնեթ»-ի կայքէջին մէջ՝
