Յառաջիկայ 2-3 տարիներուն Երեւանի մէջ պիտի կառուցուի ճարտարապետական ինքնուրոյն լուծումներով բազմագործառոյթ գործարար համալիր, որ ունակ է ստեղծելու 150-200 աշխատատեղ: Կառավարութիւնը հաւանութիւն տուաւ ներդրողներ Սուրէն եւ Յասմիկ Փահլեւանեանի ներկայացուցած 10 միլիոն տոլար արժողութեամբ նախագիծին: Նշենք, որ համալիրը պիտի կառուցուի Կեդրոն վարչական շրջանի Ձորագիւղ ազգագրական թաղամասի տարածքին: Համալիրը կ'ընդգրկէ բնակելի եւ գործարար տարածքներ եւ մշակութային յատուկ ձեռնարկներու սրահ: Որոշ իրերու ցուցադրութեան շուրջ արդէն իսկ համաձայնութիւն գոյացած է Սերկէյ Փարաճանովի տուն-թանգարանի հետ: Նախագիծը կ'ընդգրկէ շրջակայ տարածքներու բարելաւում եւ կրնայ լաւ սկիզբ դառնալ Հրազդան կիրճի ճարտարապետական միջավայրի ձեւաւորման ու հետագայ զարգացման համար:
Ամբողջական լուրը՝ Armradio.am.
