Ներսէս Գրիգորեան. ամերիկահայ միջուկային վարպետ

Ներսէս Գրիգորեան ամերիկեան միջուկային ծրագիրի մշակողներէն մէկն էր: Ծնողները Հայոց ցեղասպանութիւնը վերապրողներ էին, որոնք կրցած էին ապաստան գտնել Միացեալ Նահանգներ: Ներսէս աւարտած է գոլէճը տարրագիտութեան պսակաւորի աստիճանով եւ սկսած է աշխատիլ «Carbide» ընկերութեան համար, որ կ'արտադրէ խիստ հարստացուած ուրանիում:
Արդէն 1943-ին՝ 22 տարեկան հասակին, Գրիգորեան ներգրաւուած էր Մանհեթենի յայտնի նախագիծին մէջ (ԱՄՆ միջուկային զէնքի ծրագիրի ծածկագիր անուանումը): Իր հարցազրոյցներուն մէջ ան քանիցս նշած է, որ Հիրոշիմայի եւ Նակասաքիի 1945-ի միջուկային ռմբակոծումները երբեք պէտք չէ կրկնուին:
Պատերազմէն ետք Գրիգորեանին առաջարկեցին տեղափոխուիլ հարաւ-արեւմուտք՝ շարունակելու աշխատանքը Մանհեթենի նախագիծին վրայ: Ան փայլուն գործունէութիւն ունէր, որ տեւեց չորսուկէս տասնամեակ. ունի չորս արտօնագիր, հրապարակած է շարք մը ուսումնասիրութիւններ: 1972-ին Ներսէս Գրիգորեանէն խնդրեցին միանալ նորաստեղծ հետախուզական ստորաբաժանումին:
Երկար տարիներ Գրիգորեան անվտանգութեան հարցերու պատասխանատու էր ԱՄՆ-ի հետախուզական համապատասխան կառոյցներուն մէջ: Ներսէս Գրիգորեան հանգստեան կոչուեցաւ 1991-ին, բայց շարունակեց գիտութեամբ զբաղիլ մինչեւ մահը՝ 2017-ին: Գիտնականը բազմիցս այցելած է Հայաստան:

https://en.m.wikipedia.org/wiki/Nerses_Krikorian