Աւելի քան 15 տարի տեւած աշխատանքներէ ետք վերջապէս օծուեցաւ Սան Տիէկոյի Սուրբ Սարգիս հայկական նորակառոյց եկեղեցին: Շաբաթավերջին՝ Յունուար 28-էն 30, տեղի ունեցան զանազան արարողութիւններ՝ հանդիսապետութեամբ Հիւսիսային Ամերիկայի Հայ առաքելական եկեղեցւոյ արեւմտեան թեմի առաջնորդ Յովնան արք. Տէրտէրեանի եւ ծխական քահանայապետ գերաշնորհ տ. Բագրատ ծ. վրդ. Պերճեքեանի: Աւելի քան 350 ներկաներ ամէն օր կը փութային նոր սրբավայրը՝ Ուրբաթ օրուան Դրան բացման արարողութեան, Շաբաթ օրուան օծումին եւ Կիրակի օրուան առաջին կանոնաւոր սուրբ պատարագին համար: Եկեղեցւոյ պաշտօնական օծումին ժամանակ սրբավայրը զարդարած են նորակառոյց վիթրաժներ, նկարներ, խճանկարներ, խաչեր եւ սրբապատկերներ: Դուրսը գտնուող վրանը՝ ուղիղ վիտէօ ու ձայնային հոսքով, կը տեղաւորէր յաւելեալ ծխականներ եւ ընդունելութիւններ կը յաջորդէին իւրաքանչիւր ծառայութեան:
Ամբողջական նիւթը կարելի է կարդալ «Արմէնփրես»-ի մէջ՝
https://en.armradio.am/2022/02/15/new-st-sarkis-armenian-church-consecrated-in-san-diego/
