2-9 Դեկտեմբեր 2021-ին Հնդկաստանի Մահարաշթրա քաղաքին մէջ տեղի ունեցած Փունայի միջազգային ֆիլմի փառատօնին Ֆրանսահայ բեմադրիչ Նորա Մարտիրոսեանի «Երբ որ քամին հանդարտի» ֆիլմը արժանացած է «Փրապհաթի լաւագոյն միջազգային ֆիլմ» մրցանակին: Ֆիլմը արտադրուած է Ազգային շարժապատկերի նիւթական աջակցութեամբ եւ Ֆրանսայի, Հայաստանի ու Պելճիքայի համատեղ արտադրութիւն է: Ան կը ներկայացնէ Լեռնային Ղարաբաղի հիմնախնդիրին ապաքաղաքական երեսակը: Երիտասարդ բեմադրիչը կը խօսի շարժանկարչական պարզ լեզուով՝ այնպիսի բարդ թեմաներու շուրջ, ինչպիսիք են՝ հաղորդակցութեան ցանկութիւնը, փոխըմբռնումը, ինքնակառավարումն ու ազատութիւնը: Մարտիրոսեան աւարտած է Երեւանի գեղարուեստի ակադեմիան եւ Ամսթերտամի գեղարուեստի պետական ակադեմիան: 2010 թուականին նկարահանած է «Les Complices» վաւերագրական կարճ ֆիլմը: «Երբ որ քամին հանդարտի»-ն իր առաջին գործն է: Ան ներկայիս կ'ապրի եւ կ'աշխատի Ֆրանսայի Մոնփելիէ քաղաքին մէջ:
Ամբողջական լուրը կարելի է կարդալ «Panorama»-ի մէջ՝
https://www.panorama.am/en/news/2022/01/04/Should-the-Wind-Drop/2622465
