Այս երկրին լեռները, դէպի վար սլացող հովիտները եւ գայթակղիչ քաղաքները առաւել կը կենդանանան գարնան: Ընտրեցէ՛ք հետեւեալ հինգ տարբերակներէն, որոնք կ’ընդգրկեն Հարաւային Կովկասի տարբեր շրջանները:
Հարաւկովկասեան այս երկիրը՝ Հայաստանը, բնական թատերաբեմ մըն է, որուն յատուկ են հինաւուրց ու մենաւոր եկեղեցիներով շաղախուած լեռները: Եկէ՛ք մարտ ամսուն՝ արշաւային արահետներով կովկասեան լեռներուն խորքերը բացայայտելու, կանաչածածկ կիրճերուն վրայ կախուած ջերմային լողաւազաններուն մէջ լողալու, կամ քաղաքային զբօսայգիներով շրջելու, որոնք գարնանային ծաղկումի ժամանակ արհեստագիտական գոյներ կը ստանան:
Անդրկովկասեան արահետը, որ սկիզբ կ’առնէ հիւսիսէն՝ Տաւուշի մարզի Դիլիջանէն, երկարելով մինչեւ հարաւը՝ Սիւնիքի մարզի Որոտանը, լաւագոյնն է արշաւներու համար, Վայոց ձորի մարզի Ջերմուկը լաւագոյնն է հանքային ջուրերու մէջ հանգստանալու համար, Լոռուայ մարզի Դեբեդի կիրճը լաւագոյնն է բնութեան սիրահարներուն համար, Շիրակի մարզի Գիւմրի քաղաքը լաւագոյնն է մշակոյթը ուսումնասիրողներուն համար, իսկ մայրաքաղաք Երեւանը՝ լաւագոյնն է քաղաքային կեանքը սիրողներուն համար:
Տարուան այս եղանակին կը կենդանանան վայրի ծաղիկներու ընդարձակ դաշտերը՝ խտացնելով Արարատ լեռան տեսարանին գեղեցկութիւնը: Եթէ արկածախնդրութի՞ւն կը փնտռէք, ապա ուղղաթիռով շրջագայութիւնը եզակի պտոյտ կ’առաջարկէ ձեզի՝ մայրաքաղաքին եւ անոր շրջակայքին վրայ:
Menu
