Հայաստանի քաղաքացիութիւն ստանալու համար դիմած է 19.630 օտարերկրացի՝ մեծաւ մասամբ Ռուսիայէն

Հայաստանի Ոստիկանութեան վարչութենէն յայտնած են, որ այս տարուան առաջին տասը ամիսներուն Հայաստանի քաղաքացիութիւն ստանալու համար դիմած է 19.630 օտարերկրեայ քաղաքացի, 14.661-ը Ռուսիայէն են։
Ըստ Ոստիկանութեան տուեալներուն՝ բոլոր դիմողներուն 97 տոկոսը հայկական ծագում ունի:
Հայաստանի քաղաքացիութիւն ստանալու համար դիմած է Վրաստանի 1.715 քաղաքացի, որուն կը յաջորդէ Լիբանանը՝ 1.045, Սուրիա՝ 528, Իրան՝ 456, ԱՄՆ՝ 220, եւ Ուքրանիա՝ 225։
Հայաստանի քաղաքացիութիւն ստանալու համար նախորդ տարի դիմած է 8.591 օտարերկրացի։

https://hetq.am/en/article/150617