Երեւանի մէջ «Ոսկէ ծիրան» 19-րդ մրցանակաբաշխութիւնը պիտի մեկնարկէ ֆիլմարտադրիչ Արման Նշանեանի «Ամերիկացի» ֆիլմով: «Շատ ուրախ եմ, որ ֆիլմի առաջին ներկայացումը պիտի կայանայ Հայաստանի մէջ: Մենք պԷտք է աշխարհին հպարտութԵամբ ծանօթացնենք հայկական արտադրանքին հետ»,- «Արմէնփրես»-ին ըսած է Նշանեան:
Դեռ պատանի՝ Չարլի փախուստի դիմած է Հայոց ցեղասպանութենէն՝ Ամերիկայի Միացեալ Նահանգներ մեկնող բեռնախցիկով: Ընտանիքը այնքան ալ բախտաւոր չէ եղած: Հակառակ ողբերգական սկիզբին՝ Չարլի երիտասարդութեան կրցած է պահել մանկական զարմանքը աշխարհին նկատմամբ: Այնուամենայնիւ, ինչպէս բազմաթիւ գաղթականներու եւ որբերու սրտին, Չարլիի մեծ սրտին մէջ ալ ծակ կայ:
Պատմութիւնը կը սկսի 1947 թուականին, երբ Չարլի կը վերադառնայ Հայաստան եւ կը բախի խորհրդային համայնավարութիւն կոչուող դաժան իրականութեան:
Հայաստանի հոգին շնչահեղձ եղած է երկաթեայ վարագոյրին տակ: Հայաստանի մէջ Չարլին անմիջապէս կը ձերբակալեն ու կը դատապարտեն ազատազրկման` փողկապ կրելու անհեթեթ յանցագործութեան համար:
Աւելի վստահ ըլլալու համար, որ ան՝ որպէս աշխարհաքաղաքացի, չ'ազդեր միւս բանտարկեալներուն վրայ՝ Չարլին կը փոխադրեն մենախուց: Երբ կը տեսնէ, որ ի վիճակի չէ յաղթահարելու ապրած ողբերգութեան ազդեցութիւնը, ան կը նկատէ, որ բջջային պատուհանէն դուրս գտնուող բանտի պատը վնասուած է վերջին երկրաշարժին:
Ամբողջական նիւթը կարելի է կարդալ «Արմէնփրես»-ի մէջ՝
