Առաջին հայը, որ ապրած է ԱՄՆ, եղած է Մարթինը, որ 1618-ին գացած է Ճեյմզսթոն, Վիրճինիա:
Հայկական կոտորածներուն ժամանակ (1876-1923) Արեւմտեան Հայաստանէն ու Միջին Արեւելքէն բազմաթիւ հայեր հաստատուած են ԱՄՆ: Ներկայիս մօտաւորապէս երկու միլիոն հայ կ'ապրի այնտեղ, որոնց շուրջ կէսը՝ հարաւային Գալիֆորնիա:
ԱՄՆ-ի ամենամեծ հայկական համայնքներն են՝
Լոս Անճելըս, Գալիֆորնիա. հայերը կը կազմեն բնակչութեան 15 տոկոսը (մօտաւորապէս 500 000 հոգի): Հայերը հիմնականօրէն կ'ապրին տասը շրջաններու մէջ, մասնաւորապէս Փոքր Հայաստան եւ հիւսիսային Հոլիուտ:
Կլենտէյլ, Գալիֆորնիա. հայերը կը կազմեն քաղաքի բնակչութեան 50 տոկոսը (մօտաւորապէս 100 000 հոգի): Քաղաքապետը հայ է:
Ուրիշ քաղաքներ, ուր հայերը կը կազմեն բնակչութեան 10 տոկոսը, Պրպենք, Ալթատենա, Մոնթեպելլօ, Փասատենա եւ Ֆրեզնօն են: Հայ համայնքներ կան Նիւ Եորքի, Մասաչուսեցի, Պոսթոնի եւ Ուաշինկթընի մէջ:
Տարիներու ընթացքին հայ համայնքը կառուցած է բազմաթիւ եկեղեցիներ ու ամրապնդած իր ներկայութիւնը տարբեր հաստատութիւններու մէջ: Ներկայիս ԱՄՆ-ի մէջ կը գործէ 120 առաքելական, 28 բողոքական եւ 6 կաթողիկէ եկեղեցի: Կրթական առումով, Գոլոմպիոյ համալսարանը, Գալիֆորնիոյ համալսարանը, Եյլ համալսարանը, Հարուըրտ համալսարանը, Պոսթոնի համալսարանը եւ ուրիշներ հայագիտական բաժանմունքներ բացած են:
Աղբիւրը՝ https://bit.ly/3IJqOhC
