Կրթութեան, գիտութեան, մշակոյթի եւ մարմնակրթութեան փոխնախարար Կարէն Գիլոյեան յայտարարած է, որ Հայաստանը ներկայացնող մարզիկները 2021 թուականին պատանիներու, երիտասարդներու, աշխարհի եւ Եւրոպայի ողիմպիական առաջնութիւններուն նուաճած են 199 մետալ:
Իր հերթին, կառավարութիւնը աջակցած է մարզիկներուն եւ աւելցուցած անոնց ու մարզական անձնակազմի նպաստներն ու աշխատավարձերը՝ 2021 թուականին յատկացնելով 652 մլն դրամ՝ 2020-ի 157 մլն դրամի փոխարէն:
Փոխնախարարը մեծ ձեռքբերում համարած է Երեւանի մէջ բռնցքամարտի Եւրոպայի առաջնութեան կայացումը: «Ամենալաւը այն է, որ միակը չէ այդ. վարչապետը յանձնարարած է, որ կրնանք տարեկան երկու շատ բարձր կարգի մրցում կազմակերպել Հայաստանի մէջ, եւ մենք պիտի օգտուինք այդ հնարաւորութենէն»,- ընդգծած է ԿԳՄՍ փոխնախարարը:
Ամբողջական նիւթը կարելի է կարդալ «Panarmenian.net»-ի մէջ՝
