Կոմիտասի ստեղծագործութիւններու ժողովածոն արձանագրուեցաւ «Աշխարհի յիշողութիւն» միջազգային գրանցամատեանին մէջ

Եունեսքոյի մէջ Հայաստանի պատուիրակութիւնը յայտնած է, որ հայ երգահան Կոմիտասի ստեղծագործութիւններու ժողովածոն ընդգրկուեցաւ Եունեսքոյի հովանու ներքոյ ստեղծուած «Աշխարհի յիշողութիւն» միջազգային գրանցամատեանին մէջ:

Արձանագրութիւնը այսպիսով կը ճանչնայ մշակութային նշանաւոր գործիչը՝ հայկական երաժշտական ժառանգութեան պահապանը։

«Աշխարհի յիշողութիւն» գրանցամատեանը կ’ընդգրկէ վաւերագրական այն ժառանգութիւնը, որ առաջարկուած է Միջազգային խորհրդատուական կոմիտէի կողմէ, եւ հաստատուած է Գործադիր խորհուրդի կողմէ՝ որպէս համաշխարհային նշանակութիւն ունեցող եւ ականաւոր համընդհանուր արժէքի ընտրութեան չափանիշերուն համապատասխան:

Գրանցամատեանին մէջ գրառումը հրապարակայնօրէն կը հաստատէ վաւերագրական ժառանգութեան նշանակութիւնը, զայն աւելի յայտնի կը դարձնէ, եւ աւելի հասանելի կը դարձնէ զայն՝ դիւրացնելով ուսումնասիրումը, կրթութիւնը, ժամանցն ու պահպանումը ժամանակի ընթացքին: 2017 թուականի դեկտեմբերի դրութեամբ՝ «Աշխարհի յիշողութիւն» միջազգային գրանցամատեանը կը պարունակէր 430 արձանագրութիւն:

https://en.armradio.am/2023/05/18/collection-of-works-by-komitas-inscribed-on-memory-of-the-world-international-register/