Թուրքիոյ մէջ փոքրամասնութիւններու դպրոցները վտանգի տակ են, քանի կառավարութիւնը կը մերժէ օգնել

Թուրքիոյ մէջ հայ, հրեայ եւ յոյն փոքրամասնութիւններու 22 դպրոցները վատ վիճակի մէջ կը գտնուին թէ՛ նիւթական խնդիրներու եւ թէ՛ աշակերտներու թիւի նուազումին պատճառով: Քրտամէտ ժողովուրդներու դեմոկրատական կուսակցութեան հայ պատգամաւոր Կարօ Փայլան Թուրքիոյ խորհրդարանին մէջ հանդէս եկած է նոր քաղաքականութիւն մը մշակելու գաղափարով՝ փոքրամասնական դպրոցներու գոյատեւման նպաստելու նպատակով: Նոյեմբեր 2-ին Թուրքիոյ ազգային կրթութեան նախարարութեան 2022 թուականի պիւտճէի քննարկումին հայազգի պատգամաւորը Ծրագրումի եւ Պիւտճէի կոմիտէին առաջարկ ներկայացուցած է՝ փոքրամասնական դպրոցներու պաշարները յաւելելու համար: Ցաւօք, իր առաջարկը մերժուեցաւ իշխող Արդարութեան եւ զարգացում կուսակցութեան եւ անոր դաշնակից Ազգայնական շարժում կուսակցութեան պատգամաւորներուն ձայներով: Ընդդիմադիր կուսակցութիւններու՝ Լաւ կուսակցութեան եւ Ժողովրդահանրապետական կուսակցութեան պատգամաւորները չեն քուէարկած եւ ձեռնպահ մնացած են: Ամբողջական նիւթը կարդալ «Greek City Times»-ի մէջ՝

https://greekcitytimes.com/2021/11/18/turkey-greek-armenian-schools/