Հայաստանի ազգային ագրարային համալսարանին մէջ բացուած է անօդաչու սարքերու ուսումնական աշխատանոց, որ պիտի ծառայէ համալսարանական ուսանողներու դասախօսներու հետազօտական, ինչպէս նաեւ ագարակապաններու եւ արհեստավարժներու արտադրական ու վարժողական նպատակներուն:
Աշխատանոցը ստեղծուած եւ կահաւորուած է ԵՄ-ի Կանաչ գիւղատնտեսութեան նախաձեռնութիւն (ԵՄ-ԿԳՆ) ծրագրին աջակցութեամբ եւ Աւստրիական զարգացման համագործակցութեան համաֆինանսաւորումով:
Հայաստանի մէջ ԵՄ պատուիրակութիւնը յայտարարած է. «ԵՄ-ը ուրախ է, որ հայ ագարակապաններ եւ ագրարային համալսարանի ուսանողներ այժմ հնարաւորութիւն ունի սորվելու այս արհեստագիտութիւններով եւ զանոնք օգտագործելու կրթական ու արտադրական նպատակներով: Նորարարութիւնը գիւղական շրջաններու կայուն զարգացման բանալին է»:
Ամբողջական լուրը՝ Armradio.am.
