Թուրքիոյ Քոչ համալսարանը կը խզէ գիրքի պայմանագիրը՝ Հայոց ցեղասպանութեան եզրին պատճառով

Թուրքիոյ Քոչ համալսարանը խզած է Օսմանեան պատմութեան մասին գիրքի պայմանագիրը՝ հեղինակին կողմէ Հայոց ցեղասպանութիւն եզրը գործածուած ըլլալուն համար: Այս մասին կը յայտնէ խմբագիր Օնուր Ինալ:

Համալսարանը պահանջած է ջնջել կամ վերաշարադրել համապատասխան հատուածը, եւ այնուհետեւ խզած պայմանագիրը, երբ Ինալ եւ համախմբագիր Եաւուզ Քէօսէ մերժած են՝ ըստ պատմաբանին:

«Հրատարակիչին պատասխանեցինք, որ մենք չենք ընդունիր նախադասութիւնը ջնջելու կամ վերաշարադրելու իրենց պահանջը, որովհետեւ նոյնինքն եզրը գործածելը արգիլուած չէ: Աւելին՝ հրատարակիչին յայտնեցինք, որ խնդրոյ առարկայ եզրը պարունակող նախադասութիւնը մէջբերում է մէկ այլ գործէ, եւ թարգմանութիւն մը, որ հաւատարիմ չի մնար բնագիրին, կը համարուի գրաքննութիւն»:

«Պայմանագիրին չեղարկումը կը հակասէ ակադեմական ազատութեան եւ հրատարակչական վարքագիծին»,– կը նշեն ակադեմականները:

Ամբողջական լուրը՝ «Panarmenian.net»-ի մէջ՝ Pan Armenian.net.

SHARE ON

Submit a comment

Your email address will not be published. Required fields are marked *

Մեկնաբանութիւն կատարեցէ՛ք

Your email address will not be published. Required fields are marked *