Արաբական Միացեալ Էմիրութիւններ կատարած այցին Հայաստանի Հանրապետութեան նախագահ Արմէն Սարգսեան քննարկած է հողմային ուժանիւթի ոլորտին մէջ լայնածաւալ ներդրումներու հնարաւորութիւնը, մասնաւորաբար 500 մեկաուաթ հզօրութեամբ նոր կայանի կառուցումը: Նախագահ Սարգսեան նշած է, որ Հայաստան մաքուր ուժանիւթի պաշարներու նկատառելի ներուժ ունի:
Էմիրական ընկերութիւնը՝ «Մաստար», արդէն իսկ մեկնարկած է 200 մեկաուաթ հզօրութեամբ լուսավոլտական ելեկտրակայանի կառուցման «Ayg-1» ծրագիրը, որուն շուրջ պայմանաւորուածութիւն ձեռք բերուած էր դեռ 2019-ին: Իսկ վերջին այցին ընթացքին նախագահ Սարգսեան եւ «Մաստար»-ը համաձայնած են 200 մեկաուաթ հզօրութեամբ ուրիշ լուսավոլտական ելեկտրակայան կառուցել ապագային:
ԱՄԷ աշխատանքային այցին ձեռք բերուած պայմանաւորուածութեան համաձայն՝ «Wizz Air Abu Dhabi»-ն շուտով պիտի սկսի թռիչքներ իրականացնել դէպի Երեւան: Ընդհանուր առմամբ, աշխատանքային այցը գործնական քայլ էր արաբական աշխարհի հետ յարաբերութիւններու սերտացման ու համագործակցութեան ամրապնդման ուղղութեամբ:
Ամբողջական լուրը՝ Armradio.am.
