DiasporArm-ը կը ծառայէ իբրեւ գործող նախաձեռնութիւններու մղիչ ուժ, նորաստեղծ ձեռնարկութիւններու նեցուկ կանգնող մարմին եւ գործող կազմակերպութիւններու օժանդակող կառոյց:
Տեղեկութիւններ.
Ընկերային-տնտեսական զարգացման բոլոր մակարդակներու վրայ գտնուող երկիրները կը դիմագրաւեն տարբեր աստիճանի դժուարութիւններ՝ առողջապահութեան մարզի մարդուժի պատրաստութեան, զանոնք պաշտօնի առնելու, զանոնք պաշտօնի վրայ պահելու եւ անոնց աշխատանքին վերաբերող: Առողջապահութեան համաշխարհային կազմակերպութիւնը կը կանխատեսէ 10 միլիոն առողջապահական մարզի աշխատողներու նուազում՝ մինչեւ 2030 թուականը:
Հայաստանի առողջապահական համակարգը կը դիմագրաւէ դրական համբաւի բացակայութիւն:
Իր բարենպաստ կարգաւորող կլիմային շնորհիւ, Հայաստանի ունի դեղագործական եւ կենսաբանական-արհեստագիտական հետազօտութիւններու եւ զարգացման կեդրոն դառնալու ներուժ՝ Ալզհայմըրի եւ քաղցկեղի տարբեր տեսակներու դէմ պայքարին մէջ:
Հայաստանի Առողջապահութեան նախարարութեան 2023-2026 թուականներու ռազմավարական ծրագիրը.
Ռազմավարութիւնը կազմուած է երկու մասերէ.
Առողջութեան վերաբերեալ խնդիրներ, որոնք նպատակաուղղուած են պահպանելու եւ բարելաւելու ժողովուրդին առողջութիւնը:
Ամբողջ առողջապահութեան մարզի յաւելեալ կառավարում եւ ղեկավարում:
- Առողջ եւ ապահով միջավայր ապահովել մարդկային գործունէութեան համար:
- Նուազեցնել ոչ վարակիչ հիւանդութիւններու պարագաները, այդ հիւանդութիւններէն յառաջացած վաղաժամ մահուան դէպքերը, ոչ վարակիչ հիւանդութիւններու զարգացումին նպաստող վտանգի գործօններու բացասական ազդեցութիւնը առողջութեան վրայ, եւ բարելաւել հոգեկան առողջութիւնը:
- Նուազեցնել վարակիչ հիւանդութիւններու հետեւանքով յառաջացած հիւանդութեան ու մահուան պարագաները:
- Բարելաւել մօր եւ երեխայի առողջութիւնը եւ նուազեցնել նորածիններու, մանուկներու, դեռահասներու եւ մայրական հիւանդութեան ու մահուան պարագաները:
- Նուազեցնել ամլութիւնը եւ բարելաւել կիներու վերարտադրողական առողջութիւնը, բարելաւել ծննդեան թիւերը:
- Ապահովել առողջապահական համակարգի արդիւնաւէտ կառավարումը եւ աղբիւրներու ու կարողութիւններու համաչափ գործածութիւնը։
- Ապահովել որակեալ եւ արդիւնաւէտ բժշկական օգնութեան հայթայթումը:
- Ապահովել տրամադրուող բժշկական օգնութեան եւ ծառայութիւններու իսկական ծախսերու փոխհատուցումը, ինչպէս նաեւ առողջապահական համակարգին մէջ տնտեսական միջոցներու բաշխումին եւ ծրագրաւորումին արդիւնաւէտութիւնը:
Նպատակներ.
- Հայաստանը հաստատել իբրեւ առողջապահական կրթութեան գերազանցութեան չափանիշ, որպէսզի իբրեւ շրջանային կեդրոն ծառայէ ե՛ւ Հայաստանի, ե՛ւ այլ երկիրներու համար առողջապահութեան մարզի մասնագէտներ պատրաստելու համար:
- Նպաստել Հայաստանի դեղագործութեան եւ կենսաբանական-արհեստագիտական մարզերուն մէջ, ներառեալ այլ մարզերու, հետազօտութիւններու եւ զարգացման յառաջընթացին:
- Նպաստել Հայաստանի դեղագործութեան եւ կենսաբանական-արհեստագիտական մարզերուն մէջ, ներառեալ այլ մարզերու, հետազօտութիւններու եւ զարգացման յառաջընթացին:
- Հայաստանի մէջ ստեղծել բժշկական զբօսաշրջութեան նուիրուած նորագոյն առողջապահական հաստատութիւն մը՝ օժտուած ժամանակակից ենթակառոյցով եւ ծառայութիւններով: Բարձրացնել միջազգային իրազեկուածութիւնը եւ խթանել Հայաստանի առողջապահական մարզի զարգացումը:
- Համակարգել առողջապահութեան շահագրգիռ կողմերու միջեւ աշխատանքը՝ կանխելու համար աշխատանքէ հեռացումները եւ խթանելու համար համագործակցութիւնը, որպէսզի կարելի ըլլայ հաւաքականօրէն լուծել կարեւոր խնդիրները ու հիմնական մարտահրաւէրները:
Մեթոտաբանութիւն
- Բացայայտել Հայաստանի առողջապահութեան մարզին մէջ գործող կազմակերպութիւններու եւ հաստատութիւններու կողմէ իրագործուող առողջապահական նախաձեռնութիւնները եւ անոնց յառաջիկայ ծրագիրները:
- Ճշդել այն մարզերը, ուր առողջապահութեան առչնուող տարբեր կազմակերպութիւններ ունին ընդհանուր շահեր, եւ առաջարկել թեքնիք համախմբում եւ ռազմավարական գործընկերութիւններ:
- Կատարել ստուգումներ՝ վստահ ըլլալու, որ վերոնշեալ ծրագիրները կը համապատասխանեն Առողջապահութեան նախարարութեան ռազմավարութեան եւ կը լուծեն գոյութիւն ունեցող բացերու հարցը:
- Գնահատել ժամանակակից իրերու, ինչպէս ներանօթային գործիքներու, ինչպէս նաեւ քաղցկեղի բուժումի կարիքները եւ պիւտճէն:
Ծրագիրի յաջողութեան մակարդակը կախեալ պիտի ըլլայ ներգրաւուած կազմակերպութիւններու եւ հաստատութիւններու յանձնառութենէն եւ համագործակցութենէն, ինչպէս նաեւ ծրագիրի արդիւնաւէտ կառավարումէն եւ անհրաժեշտ աղբիւրներու գոյութենէն:
