Եթէ կ'ուզենք պահել մեր պետականութիւնը, ապա պէտք է զօրացնենք հայաստանեան Սփիւռքը

Ֆրանսահայ լրագրող, արեւելագէտ Տիգրան Եկաւեան «Հետք»-ին տուած հարցազրոյցին մէջ :
news1

Ֆրանսահայ լրագրող, արեւելագէտ Տիգրան Եկաւեան «Հետք»-ին տուած հարցազրոյցին մէջ :

Ըստ պարոն Եկաւեանի՝ Հայաստանի՝ Ռուսաստանի ինքնավար մարզ դառնալու կամ ասորիներու ճակատագիրին հետեւելու հաւանականութիւնը փոքր է: Ան կ'աւելցնէ, որ Հայաստանի՝ որպէս անկախ պետականութեան ապագան կապուած է Սփիւռքին:

Իրողութիւնը այն է, որ բարի մտադրութիւններու յայտարարութիւններ կը լսեմ այն պաշտօնատարներէն, որոնց հանդիպեցայ Հայաստանի մէջ, բայց իրավիճակի լրջութեան գիտակցում դեռ չեմ տեսներ: Հայոց ցեղասպանութեան ճանաչման հարցէն բացի՝ Հայաստանն ու Սփիւռքը իրականութեան մէջ երբեք չեն աշխատած փոխադարձ յարգանքի ու կախուածութեան յարաբերութիւններու գծով: Խնդիրը այն է, որ մենք երեսուն տարի է մոլորութեան մէջ ենք:

Մեզի ըսած են, որ Հայաստան մեր հայրենիքն է, այնքան ատեն որ մենք չենք միջամտեր անոր ներքին գործերուն: Կը կարծեմ, թէ հայկական վերնախաւը պէտք է յեղաշրջէ այս մտածողութիւնը՝ մղելով, որ սփիւռքահայերը ներգրաւուին հայրենի պետութեան մէջ եւ զօրացնեն զայն: Ինչո՞ւ Սփիւռքի «նախարարութիւնը» չվերածել հայրենադարձութեան գործակալութեան: Ինչո՞ւ հայկական ժամանակավրէպ հիմնադրամը չվերածել զարգացման դրամատան: Եթէ Երեւանը պիտի ըլլայ հայկական աշխարհի կեդրոնը, ապա անհրաժեշտ է կարեւոր տեղ յատկացնել Սփիւռքի գործադիրներուն՝ անոնց իրաւասութիւն տալով: Սա կրնայ ըլլալ վերին խորհուրդ մը կազմելու տեսքով: Բացի այդ՝ ժողովրդագրական գործօնը նոյնքան կարեւոր է, որքան աշխարհա-քաղաքականը: Մեծապէս կարեւոր է, որ իւրաքանչիւր սփիւռքահայ, որ կը փափաքի օգնել Հայաստանին, երթայ-ապրի այնտեղ եւ յաջողի գործնական կեանքին մէջ:

: Անհրաժեշտ է, որ ամբողջ աշխարհի հայկական վերնախաւը կարենայ զանազանել «հայրենիք» հասկացութիւնը, որ աւելի ու աւելի վերացական է, եւ «ազգային պետականութիւն»-ը, որ կը նշանակէ ընդհանուր շահերու ձեւաւորում եւ ներառական քաղաքացիութիւն: Սփիւռքը կրնայ ըլլալ Հայաստանի անվտանգութիւնը ապահովելու ուժի լծակը՝ այն պայմանով, որ պետութիւնը նպաստէ քաղաքական ցանցերու եւ լոպիինկի աւելի համակարգուած ու արդիւնաւէտ կազմակերպումին, ինչպէս նաեւ աշխատի նոր հասարակարգ ստեղծել՝ ամրապնդելու հայկական ինքնութիւնը»,– ըսած է ան:

Հարցազրոյցը կարելի է ամբողջութեամբ կարդալ «Հետք»-ի (հայերէնով) եւ «DiasporArm»-ի (անգլերէն թարգմանութիւնը) կայքէջերուն մէջ

https://hetq.am/hy/article/134634

SHARE ON

Submit a comment

Your email address will not be published. Required fields are marked *

Leave a Reply

Your email address will not be published. Required fields are marked *

You May Also Like