Արտաքին գործոց նախարար Մեւլութ Չաւուշօղլու հանդիպած է Սթրասպուրկի թուրքերուն եւ անոնց կոչ ըրած՝ պայքարելու տեղի հայկական Սփիւռքի դէմ: Հոկտեմբեր 10-ին Չաւուշօղլու ըսաւ, որ Անգարա հիմնած է ԱՄՆ-ի մէջ Թուրք-ամերիկեան ազգային համակարգող կոմիտէն, որ շատ արդիւնաւէտ աշխատանք կը տանի՝ «Թուրքիոյ դէմ հայկական Սփիւռքի զրպարտութիւններուն դէմ պայքարելու»:
Չաւուշօղլու ըսաւ, որ ֆրանսահայութեան մէկ մասը «դժբախտաբար» լաւ նպատակներ չի սնուցեր, զանոնք մեղադրելով Հայաստան-Թուրքիա եւ Հայաստան-Ազրպէյճան յարաբերութիւններու կարգաւորումը խաթարելու մէջ:
Ան նաեւ նշեց, որ հայկական Սփիւռքը «թշնամական վերաբերում ունի բարւոք յարաբերութիւններ հաստատելու նկատմամբ»: «Մենք կ'ակնկալենք, որ պայքարիք հայկական Սփիւռքի դէմ»,- աւելցուցած է Չաւուշօղլու:
