Ժողովրդավարութեան ցուցիչ 2021. աշխարհի բնակչութեան կէսէն պակասը կ'ապրի ժողովրդավարական պայմաններու մէջ

EIU-ի տնտեսական ցուցիչի 2021 թուականի հրապարակումին համաձայն՝ աշխարհի բնակչութեան կէսէն պակաս՝ 45,7 տոկոսը, ներկայիս կ'ապրի ժողովրդավարական պայմաններու մէջ, ինչը զգալիօրէն նուազած է 2020 թուականի համեմատ՝ 49,4 տոկոս: Անկէ պակաս՝ 6,4 տոկոսը, կ'ապրի «լիարժէք ժողովրդավարութիւն», ինչը նուազած է 2020 թուականի 8,4 տոկոսէն, երբ երկու երկիրներ՝ Չիլի եւ Սպանիա, գնահատուած են որպէս «թերի ժողովրդավարութիւն»: Աշխարհի բնակչութեան աւելի քան մէկ երրորդը՝ 37,1 տոկոս, կ'ապրի բռնապետական վարչակարգի տակ, որուն մեծ բաժինը Չինաստան է:
Ամէնամեայ հետազօտութիւնը կը գնահատէ 167 երկիրներու մէջ ժողովրդավարութեան ցուցիչը՝ համաձայն ընտրական գործընթացի ու բազմակարծութեան, կառավարութեան գործունէութեան, քաղաքական մասնակցութեան, ժողովրդավարական քաղաքական մշակոյթի եւ քաղաքացիական ազատութիւններու:
Հայաստան կը զբաղեցնէ 89-րդ տեղը, որ երկու տեղով կը գերազանցէ հարեւան Վրաստանը (91-րդ) եւ 52 տեղով՝ Ազրպէյճանին (141-րդ):
2020 թուականի համեմատ արձանագրած ենք 0,14 միաւորի բարելաւում՝ 2021 թուականին անոր ընդհանուր միաւորը հասցնելով 5,49-ի:

https://www.eiu.com/n/campaigns/democracy-index-2021/?utm_source=eiu-website&utm_medium=blog&utm_campaign=democracy-index-2021