2021-ին աւելի քան մէկ միլիոն ուռենիի կտրօններ տնկուած են Սեւանայ լիճ թափուող 10 գետերու ափամերձ տարածքին:
Ծրագիրը իրականացուցած է Միջազգային համագործակցութեան գերմանական գործակալութիւնը շրջակայ միջավայրի նախարարութեան եւ տարածքային կառավարման ու ենթակառուցուածքներու նախարարութեան հետ միասին:
1012 բնակիչի տրուած է կարճաժամկէտ աշխատանք: Անոնք տնկած ու մաքրած են գետերու ափամերձ տարածքները: «Հայաստան ծառատունկ ծրագիր»-ը գործուն մասնակցութիւն ունեցաւ այս ծրագիրին մէջ՝ տրամադրելով ծառեր, վարելով դասընթացներ եւ տեղւոյն վրայ վերահսկելով:
Սոյն ծրագիրը մեղմացուց «Քովիտ-19»-ի տնտեսական հետեւանքները՝ ստեղծելով եղանակային աշխատանքի հնարաւորութիւններ, մասնաւորաբար Գեղարքունիքի մարզի գիւղաբնակչութեան համար:
