Արհեստագիտական բազմագործառոյթ կեդրոնը, որ ՊՈՄԱ Ա Քլասի շինարարական չափանիշներուն համապատասխանող առաջին շէնքը պիտի ըլլայ տարածաշրջանին մէջ, պիտի կառուցուի Երեւանի մէջ՝ 110 միլիոն տոլար ընդհանուր ներդրումով:
«Գործարար Հայաստան»-ի հետ համակարգուած ներդրումային խոշորագոյն ծրագիրներէն «Դալան» արհեստագիտական կեդրոնի շինարարութիւնը պիտի մեկնարկէ Յունիս 2022-ին, իսկ շահագործման պիտի յանձնուի 2026-ին:
«Գործարար Հայաստան»-ի գործադիր տնօրէն Լեւոն Օհանեսեան կը հաւատայ, որ կեդրոնը յատուկ նշանակութիւն ունի թէ՛ ներդրումներու ծաւալին, թէ՛ Հայաստանի արհեստագիտական էքօ-միջավայրի զարգացման եւ հայկական ու համաշխարհային կազմակերպութիւններուն միջեւ համագործակցութեան խթանման ուղղութեամբ ակնկալուող ազդեցութեան տեսակէտէն:
