«Forbes»-ի սպանալեզու տարբերակը Հայաստանը ընդգրկած է զբօսաշրջային ամենատպաւորիչ վայրերու եօթնեակին մէջ, ուր, ի հեճուկս պսակաձեւ ժահրին, կարելի է այժմ այցելել տասնհինգ ամիս ճամբորդութենէ զուրկ մնալէ ետք: Պարբերականը կ'առաջարկէ այցելել Հայաստան՝ վայելելու յայտնի քոնեակը, որ, ինչպէս կը նշուի յօդուածին մէջ, ընկոյզի, համեմունքներու, մուգ տուրմի ու վանիլայի համ կու տայ, նշելով, որ քոնեակի պատրաստութեան գաղտնիքը տեղական խաղողի իւրայատուկ տեսականիի, Արարատեան դաշտի մանրակլիմայի, ինչպէս նաեւ կաղնիի տակառներուն մէջ կրկնակի թորում-պահումի հնագոյն մեթոտի համադրութիւնն է: «Քոնեակի համտեսի փորձը լեցուն է պատմութիւններով ու առասպելներով: Օրինակ՝ ըստ անոնցմէ մէկին՝ Եալթայի խորհրդաժողովի ժամանակ ԽՍՀՄ առաջնորդ Ժոզէֆ Ստալին մէկ գաւաթ «Արարատ» քոնեակ կ'առաջարկէ Ուինսթոն Չրչիլին, ինչը շատ դուր կու գայ վերջինիս: Արտերկրի քաղաքացիներուն արտօնուած է Հայաստան մտնել ուղեւորութենէն ոչ ուշ, քան 72 ժամ առաջ կատարուած PCR քննութեան ժխտական արդիւնքի պարագային:

hy